Prangoset personi që lëshoi certifikata për ‘veteranë të rremë’ – Ora Info Ballina | ORAinfo.com - Nuk ndalet

Prangoset personi që lëshoi certifikata për ‘veteranë të rremë’

14:41 | 29 Maj 2019

Është prangosur personi që lëshoi certifikata për ‘veteranë të rremë’.

Prokuroria Themelore e Pejës njofton se sot me datë 29 maj 2019, pas kërkesës së kësaj prokurorie, me urdhëresë të Gjykatës Themelore të Pejës, dega në Klinë, ka realizuar bastisje në koordinim me Policinë e Kosovës, përkatësisht me Njësitin për kr ime ekonomike, në shtëpinë e një të dyshuari në fshatin Gremnik të komunës së Klinës.

Gjatë bastisjes në shtëpinë e të dyshuarit Xh.M., janë gjetur dokumentacione të falsifikuara që ndërlidhen me listat e veteranëve.

I dyshuari Xh.M. është arrestuar nga Policia e Kosovës, ndërsa prokurori i shtetit për të lartcekurin ka marr aktvendim për ndalim prej 48 orësh.

Javën e kaluar, Prokuroria Themelore e Pejës, lidhur me listat e veteranëve luftëtarë të UÇK-së, ka ngritur 20 aktakuza, kundër 21 personave, për veprat penale “Legalizim i përmbajtjes se rreme”, nga neni 403, të Kodit Penal të Republikës së Kosovës.

Komento: