Presidenti i Iranit, Masoud Pezeshkian deklaroi të hënën se Irani do t’i respektojë zotimet nëse edhe Shtetet e Bashkuara veprojnë njësoj, ndërsa paralajmëroi se Teherani do t’u përgjigjet me vendosmëri çdo kërcënimi, raporton CNN.

Në një postim në platformën X, Pezeshkian shkroi se “Mirëkuptimi i ndërsjellë është një rrugë me dy drejtime. Nëse pala amerikane i përmbahet marrëveshjes, edhe ne do t’i përmbushim zotimet tona.”

Pa e përmendur me emër presidentin amerikan Donald Trump, ai shtoi një thumbim që dukej se ishte i drejtuar ndaj Shtëpisë së Bardhë.

“Qasja jonë ndaj ankesave të paarsyeshme dhe kërcënimeve të pabaza mbështetet në racionalitet dhe dinjitet njerëzor gjatë marrjes së vendimeve, si dhe në një mbrojtje vendimtare dhe pa hezitim kur bëhet fjalë për veprim”, tha Pezeshkian.