Kategoria
Lajmet e fundit
21 °C

Presidenti i Malit të Zi nuk e bën publik takimin me Vjosa Osmanin në Zvicër, komentuesi “pse po e fsheh”

12:15 | 16 Qershor 2024
presidenti-i-malit-te-zi-nuk-e-ben-publik-takimin-me-vjosa-osmanin-ne-zvicer,-komentuesi-“pse-po-e-fsheh”

Presidentja Vjosa Osmani e cila po qëndron në Samitin e Paqes për Ukrainën e ka takuar dje homologun e saj malazez Jakov Milatovic me të cilin njoftoi se ka folur “për rëndësinë e aleancave dhe koordinimit në mbrojtje të demokracisë dhe paqes”.

Por, pala tjetër, Presidenti Milatovic, i cili i ka bërë një përmbledhje takimeve, nuk e ka përfshirë takimin me Osmanin.

“Përfitova nga pjesëmarrja në Samitin e Paqes për Ukrainën për të biseduar me zyrtarë të shumtë rajonalë dhe botërorë në margjinat e aktivitetit, duke pohuar kontributin që Mali i Zi jep në politikat e stabilitetit dhe mirëkuptimit të ndërsjellë.

Si President i Malit të Zi, jam krenar për faktin se vendi ynë, në marrëdhëniet ndërkombëtare, perceptohet si një partner i besueshëm, e ardhmja e të cilit është e lidhur padiskutim me anëtarësimin e afërt në BE.

Dora e miqësisë dhe bashkëpunimit mbetet e shtrirë për të gjithë miqtë tanë!”, ka shkruar ai.

Kjo nuk i ka shpëtuar një komentuesi në X i cili i ka drejtuar pyetje  Milatovicit.

” Derisa Vjosa Osmani me krenari e thekson takimin me Jakov Milatovic, ai e fsheh me ngulm atë nga publiku malazias.Pse?”, ka shkruar Nikola Pavlicevic.

Komento:
Lajme të tjera
ORAinfo
✕
© 2012 – 2024 ORA Info. Të gjitha të drejtat janë të rezervuara.

Rreth ORAinfo

Portali ORAinfo.net është themeluar në qershor të vitit 2012 nga një grup gazetarësh dhe redaktorësh, që të gjithë me përvojë të gjatë në mediat e Kosovës. Qëllimi i themelimit të portalit është ofrimi i alternativës në marrjen e informatave në mënyrë profesionale dhe në kohë sa më të shpejtë.

Materialet dhe informacionet në ORAinfo nuk mund të kopjohen ose të përdoren pa iu referuar burimit të portalit apo miratimin nga redaksia e ORAinfo.

Contact

IMPRESSUM
TEL : 044 / 911 100