Presidenti Thaçi kërkon nga Hahn të merr vendim për liberalizimin e vizave – Ora Info Ballina | ORAinfo.com - Nuk ndalet
Lajmet e fundit
0 °C

Presidenti Thaçi kërkon nga Hahn të merr vendim për liberalizimin e vizave

15:42 | 15 Prill 2019

Hashim Thaçi është duke qëndruar këto ditë në Bruksel.

Presidenti i Republikës së Kosovës, Hashim Thaçi, gjatë qëndrimit në Bruksel, është takuar edhe me komisionerin për Zgjerim të Bashkimit Evropian Johannes Hahn.

Gjatë këtij takimi Thaçi dhe Hahn kanë biseduar për situatën politike, për perspektiven evropiane si dhe për liberalizimin e vizave.

Thaçi përmes një postimi në Tëittet ka bërë të ditur se me Hahn ka biseduar për rëndësinë e një vendimi të shpejtë për liberalizimin e vizave për kosovarët, përcjell lajmi.

”Bisedova me Komisionerin Johannes Hahn mbi çështjen e nevojës për angazhim të fortë në Bruksel si dhe angazhim në procesin e integrimit në Bashkimin Evropian në Prishtinë. Shpreha nevojën thelbësore për një vendim të shpejtë për liberalizimin e vizave për Kosovën dhe hapat e ardhshëm vendimtar për të përmbushur agjendën evropiane”, ka shkruar Thaçi.

Ndryshe, Thaçi sot është takuar edhe me Presidentin e Këshillit Evropian, Donald Tusk.

Thaçi i ka thënë Tusk se pas plotësimit të të gjitha kritereve, ngadalësimi i vendimit për liberalizimin e vizave për qytetarët e Kosovës është i pakuptimtë dhe i papranueshëm, pavarësisht arsyetimeve të vazhdueshme nga BE-ja dhe shtetet anëtare.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!