Presidenti Thaçi thotë se në Uashington të gjithë flasin njëzëri për Kosovën – Ora Info Ballina | ORAinfo.com - Nuk ndalet

Presidenti Thaçi thotë se në Uashington të gjithë flasin njëzëri për Kosovën

09:57 | 08 Shkurt 2019

Kreu i shtetit Hashim ka thënë se në Uashington të gjithë flasin njëzëri për Kosovën, jemi të bekuar që kemi mbështetjen e SHBA-së.

Thaçi ka thënë se Lutjet e Mëngjesit ishin mundësi e shkëlqyer për të takuar zyrtarë të lartë amerikanë dhe liderë të shteteve të ndryshme nga tërë bota.

Përmes një postimi në Facebook, Thaçi ka shkruar se jemi të bekuar që kemi mbështetjen e SHBA-së për zhvillimin e vendit tonë dhe ndajmë së bashku të njëjtat vlera e synime.

Postimi i plotë:

Lutjet e Mëngjesit ishin mundësi e shkëlqyer për të takuar zyrtarë të lartë amerikanë dhe liderë të shteteve të ndryshme nga tërë bota, për t’i njoftuar ata me të arriturat e Kosovës dhe me përpjekjet për të vendosur paqe të qëndrueshme në tërë rajonin tonë.

Ishte inkurajuese të konfirmohej që të gjithë në Uashington flasin me një zë për Kosovën, pa marrë parasysh për cilin institucion apo tabor politik bëhet fjalë.

Jemi të bekuar që kemi mbështetjen e SHBA-së për zhvillimin e vendit tonë dhe ndajmë së bashku të njëjtat vlera e synime.

Edhe në vetë Lutjet e Mëngjesit u dha mesazhi se paqja, toleranca, besimi dhe humanizmi janë vlera prej të cilave nuk duhet të shkëputemi asnjëherë gjatë transformimit të shoqërive tona.

Komento: