Presidenti ukrainas ua rritë në 3 mijë euro rrogat ushtarëve

19:13 | 27 Shkurt 2022

Paga e ushtarëve të Ukrainës do të rritet.

Presidenti i Ukrainës, Volodymir Zelensky, ka njoftuar se do ua rrisë rrogat ushtarëve ukrainas në 3 mijë euro në muaj, duke thënë se po e bën këtë për t’ua bërë me dije se sa populli ukrainas u janë mirënjohës atyre.

“Duhet ta kuptojmë se për momentin gjëja më e rëndësishme është të jesh një ushtar, që të mbrojmë shtetin, dhe për këtë dua që ata të paguhen siç duhet për këtë punë”, tha presidenti ukrainas në adresimin e tij.

“Ne do të paguajmë ushtarët tanë të armatosur deri në 3 mijë euro në muaj. Nuk po e bëj këtë që të dëgjoj falënderime nga ata, por që t’ua bëj me dije se kombi u është mirënjohës atyre”, u shpreh tutje ai.

“Dhe kështu do të jetë deri në fund të luftës. Rroftë Ukraina!”.

Komento: