Në 22-vjetorin e vrasjes së Kolonelit Tahir Zemaj, Presidentja e Republikës së Kosovës, Vjosa Osmani, ka nderuar figurën e tij si Hero të Kosovës dhe një nga udhëheqësit më të shquar të UÇK-së.

Në një postim në rrjetet sociale, Presidentja theksoi sakrificat dhe guximin e Kolonelit Zemaj në luftën për liri dhe pavarësi, duke kujtuar me dhimbje se 22 vjet më parë, ai u vra pabesisht në hyrje të Pejës, së bashku me të birin Enisin dhe kushëririn Hasanin.

“Vrasësit që lanë pas këtë tragjedi ende nuk janë ndëshkuar, dhe ky është një dhimbje që vazhdon të jetë e hapur. Vepra e Kolonelit Tahir Zemaj, si një udhëheqës i paepur, vazhdon të frymëzojë breza të tërë. Emri i tij do të mbetet gjithmonë një simbol i sakrificës dhe i luftës për liri dhe pavarësi”, ka shkruar Presidentja Osmani.

Në fund, ajo ka shprehur nevojën e domosdoshme për zbardhjen e autorëve të vrasjes dhe vendosjen e drejtësisë. “Nderim të përjetshëm për Kolonelin Tahir Zemaj, Enisin dhe Hasanin!”, u shpreh ajo në postimin e saj.

Postimi i plotë:

 

Komento:

	Komenti