Pas njoftimit nga ushtria amerikane për tre anëtarë të shërbimit të vrarë në aksion gjatë operacionit kundër Iranit, Presidenti Donald Trump thotë: “Ne presim viktima me diçka të tillë”, sipas NBC News.

“Kemi tre, por presim viktima – por në fund do të jetë një marrëveshje e madhe për botën.”

Tre vdekjet amerikane janë viktimat e para të njohura amerikane që kur SHBA-të filluan të sulmonin Iranin të shtunën. Pesë të tjerë janë “plagosur rëndë”, thotë ushtria amerikane. Të tjerë kanë pësuar lëndime të lehta dhe po kthehen në detyrë, ka raportuar BBC.

I pyetur se çfarë rezultati do të donte të shihte, Trump thuhet se shtoi: “Ka shumë rezultate që janë të mira.

“Numri një është prerja e kokës [e udhëheqjes iraniane], heqja qafe e të gjithë grupit të tyre të vrasësve dhe banditëve. Dhe ka shumë, shumë rezultate. Ne mund të bëjmë versionin e shkurtër ose versionin më të gjatë.”

Trump i tha medias se zyrtarët iranianë ishin të interesuar të vazhdonin bisedimet me SHBA-në, por nuk pranoi të thoshte nëse SHBA-të do të ndalonin sulmet për këtë.

“Nuk e di… nëse ata mund të na kënaqin”, tha ai, sipas NBC.