Kryetari i Prishtinës, Shpend Ahmeti, gjatë një konferencë për medie, ka prezantuar projektin e parkingut nëntokësor, për të cilin ai tha se po ofrojnë një zgjidhje për qendrën e qytetit.

Siç tha Ahmeti, parkingu nëntokësor do të ketë 23 mijë metra katrorë hapësirë parkingu, 2 kate nga 11 mijë e 500, përafërsisht 700 vende të parkingut.

“Ne gradualisht po fillojmë që disa rrugë të qendrës me i mbyll. Mendoj se është mirë, mendoj se është e shëndetshme, sepse në fund kur po vjen periudha e dimrit dhe po ankohemi për ndotjen e ajrit, e dimë që një pjesë e ndotjes na vjen prej makinave. Prandaj, ne me këtë duam të ofrojmë një zgjidhje për qendrën e qytetit për të vende të parkingut por në asnjë mënyrë që po ofrojmë vende shtesë ose po hapim qendër të makinave”, tha Ahmeti.

Ahmeti tha se ideja e këtij parkingu është të bëjnë jetën të jetueshme e jo të japin hapësirë më të madhe për makinat.

Komento:

	Komenti