Prishtina ndalon mjetet piroteknike, cakton gjoba për shkelësit – Ora Info Ballina | ORAinfo.com - Nuk ndalet

Prishtina ndalon mjetet piroteknike, cakton gjoba për shkelësit

15:20 | 19 Dhjetor 2019

Edhe në Prishtinë është marrë vendimi për ndalimin e përdorimit të mjeteve piroteknike.

Komuna e Prishtinës ka ndaluar përdorimin e mjeteve piroteknike për festat e fundvitit, nga data 20 dhjetor deri më 3 janar

Kjo është bërë e ditur përmes një postimi në Facebook nga Komuna e Prishtinës.

“Në bazë të nenit 13 të Ligjit për Vetëqeverisjen Lokale dhe nënit 53 të Statutit të Komunës së Prishtinës, Kryetari i Komunës së Prishtinës nxjerrë urdhëresën për ndalimin e përdorimit të mjeteve piroteknike. Ndalesa sipas kësaj urdhërese vlen për periudhën 20 dhjetor 2019 deri më 03 janar 2020”, thekson njoftimi.

Po ashtu bëhet e ditur se për zbatimin e urdhëresës do të kujdeset Drejtoria e Inspeksionit, ndërkaq qytetarët të cilët nuk e përfillin urdhëresën do të gjobitën.

“Për zbatimin e kësaj urdhërese kujdeset Drejtoria e Inspekcionit. Personat të cilët veprojnë në kundershtim me këtë urdhëresë do të gjobiten në shumë prej 100 euro”, thekson KP;ja.

Komento: