Pritet heqja e taksës për këtë kategori të veturave në Kosovë – Ora Info Ballina | ORAinfo.com - Nuk ndalet
Lajmet e fundit
0 °C

Pritet heqja e taksës për këtë kategori të veturave në Kosovë

08:04 | 13 Mars 2019

Paralajmërohet heqja e taksave për veturat elektrike në Kosovë.

Ministri i Zhvillimit Ekonomik, Valdrin Lluka, ka paralajmëruar se së shpejti në Kosovë nuk do të ketë taksa për veturat elektrike.

Këto vetura, ai thotë se do të lirohen nga TVSH-ja dhe dogana.

“Kosova së shpejti zero taksa për makinat elektrike. Makinat elektrike janë e ardhmja e çdo vendi. Javën e kaluar kemi filluar procedurat për të liruar këto makina nga TVSH dhe dogana në mënyrë që t’i jepet një lehtësim qytetarëve dhe bizneseve për të përdorur makina me zero emetime”, ka shkruar Lluka në Facebook.

Ai ka shtuar se, “një rekomandim i tillë ka ardhur tek unë nga eksperti fushës së efiçiencës (Lulzim Syla), gjë të cilën e kam mirëpritur. Bashkëpunimi me ekspertë dhe organizata profesionale në politikat zhvillimore të vendit duhet të forcohet edhe më tutje. Institucionet që hapen karshi këshillave të tilla janë më të suksesshme, normalisht për ato politika ku përfitimi është i përgjithshëm”

Lluka ka shtuar se tashmë ka filluar iniciativa për vendosjen e një mbushësi (charger) për vetura elektrike në Prishtinë.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!