Zëvendëskryeministri i Kosovës, Besnik Bislimi ka shpalosur disa nga masat në kuadër të Programit Kombëtar të Integrimeve Evropiane.

Ai është shprehur se njëra ndër to është edhe funksionalizimi i së paku 50 shërbimeve të reja në platformën e-Kosova.

Bislimi u shpreh se për këtë vit kanë planifikuar saktësisht 307 masa afatshkurtra, njofton Klankosova.tv.

“Programi Kombëtar i Integrimeve Evropiane është dokumenti ynë strategjikë që përfaqëson spektrin e gjerë të reformave që i ndërmarrim vit pas viti në realizimin e marrëveshjes sonë të përbashkët më Bashkimin Evropian, pra marrëveshjen e stabilizim asocimit”.

“Këto reforma para se të na ndihmojnë më avancimin tonë drejt integrimit në BE, na ndihmojnë edhe në arritjen dhe nxitjen e zhvillimit ekonomik të vendit drejt një standardi me të lartë të jetesës dhe mbulojnë kështu të gjitha fushet dhe sektoret që mbulon puna e qeverisë”

“Për këtë vit kemi planifikuar shumë masa e projektligje dhe më saktësisht 307 masa afatshkurtra nga të cilat 38 sosh janë projektligje, tri janë marrëveshje ndërkombëtare, 65 janë akte nënligjore dhe 201 janë masa zbatuese. Deri në raportimin e qershorit pritet që 59 prej këtyre masave të jenë zbatuar”, është shprehur ai.

Komento:

	Komenti