Prokuroria Themelore në Gjilan është shprehur e pakënaqur me vendimin e Gjykatës Themelore në Pejë në rastin “Gogaj”.

Sipas njoftimit, Prokuroria Themelore ka bërë të ditur se do të ushtroj ankesë për ri-cilësim juridik nga vepra penale “Vrasje e rëndë” në veprën penale “Vrasje nga pakujdesia” dhe ndaj vendimit mbi dënimin.

Gjatë ditës, Gjykata Themelore në Pejë e ka shpallur fajtor Shaban Gogajn për vrasjen e Agonis Tetajt.

Sipas aktgjykimit, i pandehuri Shaban Gogaj për vrasje nga pakujdesia u gjykua 5 viteve burgim, kurse për armëmbajtje pa leje me 3 vite burgim.

Vendimi për dënimin ndaj Shaban Gogajt u përcoll me reagime të shumta, përfshirë edhe ministren e Drejtësisë, Albulena Haxhiu, e cila tha se procesi ndaj Gogajt është zhvilluar me shumë probleme dhe është karakterizuar me shumë çështje që e kanë penguar një proces të drejtë dhe efikas.

“Si ministre e Drejtësisë nuk kam mandat e as intencë për të ndërhyrë në asnjë rast gjyqësor, mirëpo është e domosdoshme të theksohet se sikur opinioni publik, jam e shqetësuar me mënyrën e administrimit të këtij procesi, përfshirë këtu edhe shkallën e dënimit me aktgjykimin e sotëm. Është vendim i padrejtë e skandaloz”, është shprehur Haxhiu, transmeton Klankosova .tv.

Tutje, ajo tha se aktgjykimi i sotëm mund të jetë gjithçka tjetër vetëm drejtësi jo.

Komento:

	Komenti