Pronarët e Paris Saint-Germain, Qatar Sports Investments (QSI), po eksplorojnë mundësinë e blerjes së klubit të Malagas.

QSI bleu 22% të aksioneve në klubin portugez, Braga, tetorin e kaluar, dhe konsorciumi tani mund të vendoset të bëjë një sipërmarrje të re, këtë herë në futbollin spanjoll.

Sheikh Abdullah Al-Thani, pronar i 51% të aksioneve në klub është duke negociuar shitjen e klubit.

Aktualisht është në duart e administratorëve publikë pasi Al-Thani është nën hetim për krime financiare dhe duhet të depozitojë 9 milionë euro në llogaritë e Malagas në mënyrë që të rimarrë kontrollin e aksioneve të tij dhe t’i shesë ato.

Sipas “COPE”, Qatar Sports Investment, pronarë të Paris Saint-Germainit, janë në bisedime me Al-Thanin për të blerë klubin. Deri më tani, ai ka refuzuar ta bëjë këtë.

Investimi fillestar i Al-Thani bëri që Malaga të ngrihej në futbollin evropian me emrat e njohur si Manuel Pellegrini trajner dhe Santi Cazorla, Joaquin dhe Jeremy Toulalan futbollistë.

Megjithatë, rënia ka qenë dramatike që atëherë, me fansat e “Los Boquerones” që gjithashtu po kërkojnë ndryshime në hierarki.

Malaga është pjesë e kategorisë së dytë në futbollin spanjoll.

Komento:

	Komenti