Protestuesit po vazhdojnë të mblidhen në sheshin “Skënderbeu” në Shkup për tubimin që do të mbahet në përkrahje të ish-krerëve të UÇK-së që po gjykohen në Hagë.

Qytetarët u panë duke mbajtur në duar simbole kombëtare.

Protesta e organizuar nga kategoritë e dala nga lufta pritet të nisë nga ora 13:00.

Ajo është përkrahur edhe nga figura politike, përfshirë edhe kreun e partisë shqiptare në Maqedoninë e Veriut, Ali Ahmeti, i cili bëri thirrje për pjesëmarrje sa më masive.

Pas asaj në Prishtinë e Tiranë, kjo është protesta e tretë që u cilësua si “gjithëkombëtare”./kp