Arteta rendit katër arsye pse Xhaka po shënon gola për Arsenalin.

Trajneri i Arsenalit Mikel Arteta e ka lavdëruar Granit Xhakën për formën që është duke kaluar në këtë sezon.

Xhaka shkon në Anfield të dielën me katër gola dhe një asistim në pesë ndeshjet e tij të fundit për klubin dhe kombëtaren, dhe Arteta beson se e di se çfarë ka ndryshuar.

I pyetur për një arsye për rritjen e golave të Xhakës, Arteta tha se është mentaliteti i tij.

“Mentaliteti. Të ndihet i aftë për ta bërë këtë, të kuptojë se ku duhet të pozicionohet në momentet e duhura, të stërvitet çdo ditë”, u shpreh trajneri i Arsenalit.

“Ai është i gatshëm të përmirësojë dhe të mbështesë ekipin në fushat që ne menduam se ishte e nevojshme që skuadra të bënte një hap tjetër përpara në mënyrën tonë të lojës”.

Arsenali do të ketë një ndeshje të vështirë nesër, ku do të përballet me Liverpoolin në “Anfield” me fillim nga ora 17:30.

Komento:

	Komenti