Sipas raportimeve nga Le Parisien, negociatat mes PSG dhe Stade Reims për Hugo Ekitike do të mbyllen së shpejti dhe sulmuesi do të kalojë në kampionët e Ligue 1.

Më pas, ata do të kthehen në finalizimin e marrëveshjes për të nënshkruar me Renato Sanches nga Lille, me shumë gjasa javën e ardhshme, në mënyrë që të dy lojtarët t’i bashkohen pjesës tjetër të ekipit në turneun në Japoni, përcjell ORAinfo.

Ndërkohë, Fabrizio Romano konfirmon gjithashtu se Paris Saint-Germain është i vendosur të nënshkruajë me Ekitike pasi mundi konkurrencën. Një test mjekësor tashmë është planifikuar pasi ata arritën marrëveshje në parim me Reims për rreth 30 milion € plus shtesa.

Ai shton se drejtori i tyre i ri sportiv Luís Campos donte Ekitike pasi ai e konsideron atë si një “talent të lartë”, ndërsa tani ai “po shtyn të nënshkruajë Renato Sanches” dhe të ribashkohet me portugezin./ORAinfo/

Komento:

	Komenti