Vetëvendosja publikon rezultatin e referendumit për marrëveshjen me LDK-në.

95.99 për qind të anëtarëve të Vetëvendosjes kanë votuar pro koalicionit me LDK-në.

Pas arritjes së marrëveshjes për bashkëqeverisje me Lidhjen Demokratike të Kosovës, Lëvizja Vetëvendosje kishte organizuar një peticion për anëtarët e saj.

Përmes këtij peticioni, LVV-ja dëshironte të dinte nëse anëtarët e saj janë të kënaqur me marrëveshjen e nënshkruar mes krerëve të partive, pavarësisht vullnetit të qytetarëve të shprehur më 6 tetor të vitit të kaluar.

Rezultatet e këtij referendumi tregojnë se 95.55 për qind e anëtarëve të Vetëvendosjes kanë votuar pro marrëveshjes, 3.64 për qind kundër dhe 0.37 për qind kanë qenë votime të pavlefshme.

Njoftimi i plotë i Vetëvendosjes pa ndërhyrje:

MIRATOHET ME SHUMICË DËRRMUESE KOALICIONI LVV-LDK

Në zgjedhjet e jashtëzakonshme të mbajtura sot sipas parimit “një anëtar-një votë”, baza e Lëvizjes VETËVENDOSJE! votoi me demokraci direkte për koalicionin e Lëvizjes VETËVENDOSJE! me Lidhjen Demokratike të Kosovës, si në vijim:

PËR: 95.99%

KUNDËR: 3.64%

Të pavlefshme: 0.37%

Ky rezultat dëshmon për vullnetin e madh e të palëkundur drejt ndryshimeve të domosdoshme në qeverisjen e vendit, në përputhje me besimin e dhënë nga qytetarët në zgjedhjet e 6 tetorit.

Prishtinë, 02.02.2020

Komisioni Zgjedhor i Përgjithshëm

Lëvizja VETËVENDOSJE!.

Komento:

	Komenti