Qalaj: Mund të kishte më shumë viktima në Istog – Ora Info Ballina | ORAinfo.com - Nuk ndalet

Qalaj: Mund të kishte më shumë viktima në Istog

10:18 | 28 Dhjetor 2018

Drejtori i Policisë, Rashit Qalaj laka folur për tragjedinë në Istog, ku ka pohuar se polici Izet Demaj kreu punën me heroizëm duke shtuar se, mund të kishte viktima më shumë.

Qalaj në një prononcim për media pas takimit me kryeministrin Ramush Haradinaj tha se polici Izet Demaj ka kryer punën me heroizëm dhe ka bërë një punë shumë madhështore në shërbim të qytetarëve.

Qalaj në një deklaratë për media tha se rasti tragjik i së enjtes ka mundur të jetë shumë më keq, meqenëse ka pasur pranë ngjarjes qytetarë të shumtë, raporton Telegrafi.

“Dje e kemi pas rast tragjik, ku kemi pas dy humbje të jetëve. Kemi humb një polic gjatë shkëmbimit të zjarrit me një person që ka tentuar të grabis. Kemi pasur në gjendje mjaft të rëndë, pasi kanë qenë në rrezik qytetarët, punëtorë të bankës edhe shumë njerëz aty afër. Ka përfunduar me dy viktima, ka mujt të jetë shumë më keq. Jam krenar që policia ka arritur të shpëtoj qytetarët e të intervenoj me kohë”, tha ai.

Drejtori i Policisë së Kosovës tha se janë shumë të pikëlluar që njëri nga policët është qëlluar dhe më vonë ka humbur jetën, por sipas siç tha ai njëkohësisht janë shumë krenar që polici ka kryer punën me heroizëm dhe ka bërë një punë shumë madhështore në shërbim të qytetarëve.

Komento: