Në Serbi po thuhet se ka ndryshuar qasja e SHBA-ve ndaj Kosovës.
Ministri i Jashtëm i Serbisë Ivica Daçiq sot ka thënë se SHBA-të kanë ndryshuar qasje ndaj Kosovës.
Sipas Daçiq, Uashingtoni më nuk insiston që Beogradi duhet të njohë pavarësinë e Kosovës, shkruajnë mediat serbe, transmeton lajmi.net.
“Uashingtoni tani jep hapësirë për kompromis. Amerikanët nuk insistojnë më që vetëm Beogradi t’i ekspozohet presionit”, u tha Daçiq gazetarëve.
Ministri serb shtoi se Kosova duhet të ekspozohet më shumë ndaj preisonit për të hequr taksën doganorep rej 100 për qind për mallrat serbe.
Kjo deklaratë e ministrit të jashtëm serb vjen pas vizitës së të Dërguarit të Posaqëm të Presidentit të SHBA-ve, Donald Trump, Richard Grenell në Kosovë.
Grenell nëpërmjet një postimi në profilin e tij në Tëitter ka thënë se taksa ndaj Serbisë duhet të largohet dhe kjo ka ndodhur menjëherë pas marrëveshjes për linjen ajrore Prishtinë – Beograd.
Grenell do të vizitojë Beogradin të premtën në mëngjes ku pritet të takohet me presidentin serb, Aleksandër Vuçiq.
Ai gjatë qëndrimit të tij në Kosovë është takuar me presidentin e Kosovës Hashim Thaçi, krerët e Lidhjes Demokratike të Kosovës dhe liderin e Lëvizjes Vetëvendosje, Albin Kurti.
Grenell ka mohuar të jetë në Prishtinë që të shtyjë përpara formimin e koalicionit qeverisës midis dy partive krerët e të cilave i ka takuar sot.
Nëse Grenell do të takohet me politikanë të tjerë serbë përveç Vuçiqit ende nuk është bërë e ditur, por Vuçiq dhe Grenell do të takohen të premtën rreth orës 8 të mëngjesit.