Qeveria vendos t’i vazhdojë masat emergjente për energji për 30 ditë – Ora Info Ballina | ORAinfo.com - Nuk ndalet

Qeveria vendos t’i vazhdojë masat emergjente për energji për 30 ditë

17:02 | 23 Shtator 2022

Vendi ynë është përballur me mungesë të energjisë elektrike.

Qeveria e Kosovës ka miratuar vendimin për vazhdimin e masave emergjente të furnizimit me energji elektrike.

Përmes këtij vendimi, Qeveria i propozon Kuvendit zgjatjen e masave emergjente në furnizimin me energji elektrike, me qëllim të normalizimit të plotë të gjendjes në nivel të shtrirjes dhe kohëzgjatjes së nevojshme.

Vendimi është marrë në mbledhjen e 98-të elektronike të mbajtur këtë të premte nga ekzekutivi.
Në njoftimin për media thuhet se zgjatja e këtyre masave bëhet për shkak të rritjes se kërkesës për energji dhe gjendjes jostabile të furnizimit me energji elektrike.

“Mungesa e energjisë, vjen si pasojë e vjetërsisë së kapaciteteve aktuale gjeneruese, investimet parciale në këtë sektor dhe rritja e vazhdueshme e konsumit. Kjo shtron nevojën emergjente të zgjatjes së masave për 30 ditë, për shkak të nevojave që mund të paraqiten nga pasojat e krizës energjetike ndërkombëtare”, thuhet në komunikatë.

Komento: