Tregu i banesave me qira në Zvicër vazhdon të mbetet i tensionuar dhe nuk pritet të përmirësohet ndjeshëm as gjatë vitit 2026, pavarësisht një rritjeje të lehtë të ndërtimit të banesave të reja, përcjell albinfo.ch.

Kjo është një nga përfundimet kryesore të një studimi të publikuar nga banka zvicerane UBS. Sipas ekspertëve të bankës, gjatë këtij viti pritet të ndërtohen rreth 2,000 banesa me qira më shumë krahasuar me vitin 2025.

Megjithatë, autorët e studimit theksojnë se kjo rritje është “vetëm një pikë në oqean” dhe nuk mjafton për të zbutur ndjeshëm krizën e strehimit.

Vetëm disa rajone mund të shohin përmirësime më të dukshme, si kantonet Aargau, Geneva dhe St. Gallen.

Ndërkohë, në kantonet që preken më shumë nga mungesa e banesave – Zurich, Zug dhe Graubünden, aktiviteti i ndërtimit pritet të stagnon ose edhe të bjerë./Albinfo.ch