QKUK njofton se furnizimi me oksigjen në klinika është stabil – Ora Info Ballina | ORAinfo.com - Nuk ndalet

QKUK njofton se furnizimi me oksigjen në klinika është stabil

12:20 | 08 Korrik 2020

QKUK-ja përmes një komunikate për media bën të ditur se furnizimi me oksigjen në klinika është stabil.

Nga Qendra Klinike dhe Universitare e Kosovës kanë deklaruar se Mjekësia Sportive nuk ka pasur probleme të rënies së sasisë të furnizimit me oksigjen.

Nga SHSKUK-ja njoftojnë se furnizimi me oksigjen në klinikat e QKUK-së, përfshirë edhe këtë objekt është nën monitorim dhe mbikëqyrje të vazhdueshme nga ekipet e sektorit teknik dhe nuk ka pasur rrezikim të jetës së pacientëve.

Njoftimi i plotë i SHSKUK-së, pa ndërhyrje:

Nuk ka rrezikim të pacientëve në mjekësi sportiveNë lidhje me raportimet e disa medieve se ka pasur probleme dhe rënie të sasisë së furnizimit me oksigjen në Objektin e Mjekësisë Sportive, Shërbimi Spitalor dhe Klinik Univeristar i Kosovës, njofton se furnizimi me oksigjen në klinikat e QKUK-së, përfshirë edhe këtë objekt është nën monitorim dhe mbikëqyrje të vazhdueshme nga ekipet e sektorit teknik dhe nuk ka pasur rrezikim të jetës së pacientëve.

SHSKUK, kërkon nga mediet që të jenë të kujdesshme në raportimet e tyre në lidhje më këtë çështje dhe mos të kirjohet panik në opinion.

SHSKUK siguron qytetarët se ka ndërmarrë të gjitha masat e nevojshme për trajtim profesional të pacientëve me Covid-19 dhe furnizimi me oksigjen në klinika është stabil.

Komento: