Trajneri gjerman, Ralf Rangnick ka diktuar kushtet e tij në Milano të cilat duhet t’i përmbahen nëse ai do të pranonte një rol në klub.

Sipas Tuttosport, Milan insiston në sjelljen e gjermanit në “San Siro’, përcjell ORAinfo.

Kjo është konfirmuar nga vet Ralf Rangnick një ditë me parë.

“Kishte një interes me Milanin, por me koronavirusin kishte gjëra të tjera përveç të menduarit nëse Ralf Rangnick ishte njeriu i duhur për ta ose anasjelltas”, i tha ai gazetës Mitteldeutsche Zeitung, përcjell ORAinfo.

Rangnick diktoi kushtet e tij për t’u brë pjesë e Milanit.

“Gjithmonë varet nga klubi, por unë nuk jam i interesuar për aspektet financiare. Për mua ka të bëjë me një ndikim të caktuar, i cili nuk ka asnjë lidhje me fuqinë, edhe nëse në situata të caktuara ju nevojitet që të vazhdoni me gjëra të caktuara”.

“Mbaj mend ditët e para në Leipzig: nuk kishte fizioterapist, mjekët ishin zhdukur, nuk kishte asnjë teknik. Dhe sezoni do të kishte filluar dy javë pas ardhjes sime”.

“Nevojiten vendime të shpejta: së pari punësova Alex Zorniger, pastaj shkova në Leipzig dhe punësova dy fizioterapistë të rinj dhe dy mjekë të rinj brenda pesë orësh. Alexander Sekora rekomandoi të tjerët. Nëse do të duhej të mendoja teorikisht se duhet të shkoj diku tjetër, duhet të jem në gjendje t’i bëj gjërat në këtë mënyrë”.

Këto – sipas mendimit të gazetës – janë fjalë shumë të qarta nga Rangnick, i cili e bëri shumë të qartë se ai dëshiron të komandojë dhe të ndikojë në zgjedhjet në klubin e tij të ardhshëm, përcjell ORAinfo.

Nga këto deklarata, pothuajse duket se Rangnick po mendon mbi të gjitha se ka një rol në udhëheqje të Milan, por ndjenja është që edhe nëse ai nuk bëhet kryesues i sezonit të ardhshëm, ai ende do të vendosë se kush do të jetë atje.

Filozofia gjermane është shumë e qartë: ai dëshiron që fuqitë e plota të jenë të lira të marrin vendime më vete. /ORAinfo/

Komento:

	Komenti