Ramush Haradinaj flet për ‘skllotën’ e Hashim Thaçit, pranon se ka kohë që nuk janë takuar – Ora Info Ballina | ORAinfo.com - Nuk ndalet

Ramush Haradinaj flet për ‘skllotën’ e Hashim Thaçit, pranon se ka kohë që nuk janë takuar

10:59 | 28 Janar 2019

Kreu i Qeverisë, Ramush Haradinaj i është përgjigjur presidentit Hashim Thaçit për “skllotën”.

Haradinaj nuk ka dashur të komentojë rreth statuseve të presidentit, Hashim Thaçi, një ditë më herët.

Ai ka thënë se nuk e di se çka ka dashur të thotë presidenti sepse ka kohë që nuk janë takuar.

“Ne kemi kohë që nuk jemi takuar, nuk po e di për çka ka aluduar presidenti. Ne si qeveri po punojmë për materien e një marrëveshje gjithëpërfshirëse. Kemi pasur takime multilaterale, por një me një ka kohë që nuk jemi takuar”, tha Haradinaj, raporton KTV.

Kujtojmë se mbrëmë kreu i shtetit, Hashim Thaçi, pa përmendur emra, ashtu siç bënë shumë herë, duket se i është drejtuar kryeministrit Haradinaj, duke shkruar “Bora ka zënë të shkrihet shpejt… Uroj të mos bëhet skllotë! HTH”.

Metafora e shkrirjes së borës është përdorur së fundi nga kryeministri Ramush Haradinaj, që e ka shfrytëzuar për të bishtnuar përgjigjen nëse taksa do të hiqet.

Ai ka thënë se edhe qëndrimi për taksën mbetet i njëjtë. Kur foli për grevat, kryeministri tha se janë rezultat i ligjit.

“Normal që ka greva kur bën ligj pas 20 vjetësh” ka thënë Haradinaj.

Komento: