Lojtari brazilian, Raphinha, ka reaguar për herë të parë pas dëmtimit të pësuar në ndeshjen kundër Haitit në Kupën e Botës 2026.

Sulmuesi i Brazilit dhe Barcelonës përdori rrjetet sociale për të dërguar një mesazh emocionues për tifozët.

Dëmtimi i tij u konsiderua një goditje për Brazilin, pasi Raphinha është një nga lojtarët më të rëndësishëm në skuadrën e drejtuar nga Carlo Ancelotti.

Megjithatë, raportet fillestare tregojnë se lëndimi nuk është serioz dhe ekziston shpresa që ai të rikthehet për fazën e eliminimit direkt.

Në mesazhin e tij, Raphinha theksoi dashurinë për fanellën e Brazilit dhe premtoi se do të bëjë gjithçka për t’u rikuperuar sa më shpejt.

“Do të bëj gjithçka që kam në dorë për t’u rikuperuar dhe për t’u rikthyer sa më shpejt të jetë e mundur. Dua të jem pranë shokëve të skuadrës dhe të luftoj për objektivat tona”, shkroi braziliani.

Komento:

	Komenti