Prokuroria Speciale sot do të dorëzoj në Gjykatën Themelore aktakuzën për rastin e veteranëve.
Këtë e ka konfirmuar për Telegrafin, Prokurori i Prokurorisë Speciale, Sylë Hoxha. Ai tha se aktakuzën e plotësuar do ta dërgojnë sipas kërkesës së gjykatës.
“Aktakuza e veteranëve sot do të dorëzohet në Gjykatën Themelore në Prishtinë. Do të dorëzohet aktakuza e plotësuar sipas kërkesës së gjykatës në lidhje me veteranët”, ka thënë Hoxha.
Ndryshe, aktakuza ishte kthyer mbrapa me 9 tetor 2018, pasi që Gjykata Themelore në Prishtinë, kishte kërkuar nga Prokuroria Speciale e Kosovës përmirësimin e aktakuzës, duke i lënë kështu 30 ditë kohë në dispozicion për plotësuar dhe ndryshuar, ndërkaq sot është afati i fundit për dorëzimin e aktakuzës së plotësuar.