Real Madrid thuhet, se po përgatit një ofertë prej 10 milionë eurosh për të riun e Borussia Dortmundit, Youssoufa Moukoko, me shpresën për ta sjellë atë në Bernabeu këtë verë.

Sulmuesi bëri debutimin e tij në Dortmund në moshën 16-vjeçare në nëntor 2020, dhe ai ka vazhduar të paraqitet në 36 raste për skuadrën gjermane, duke shënuar katër herë dhe duke regjistruar dy asistime në këtë proces, përcjell ORAinfo.

17-vjeçari ka luftuar për të siguruar lojë të rregullt këtë sezon, edhe pse një numër problemesh lëndimesh e kanë bërë atë një fushatë frustruese për të riun.

Moukoko ka shënuar një herë dhe ka dhënë dy asistime në 15 paraqitje në Bundesligë këtë sezon, ndërsa ai u paraqit vetëm në tre raste në Europa League dhe Champions League.

Sipas gazetarit Ekrem Konur, adoleshenti është i prirur të largohet nga Dortmundi gjatë afatit kalimtar të kësaj vere dhe një numër klubesh po e ndjekin nga afër situatën./ORAinfo/

Komento:

	Komenti