Skuadra e Real Madridit ka marrë një lajm aspak të mirë para ndeshjes kundër Getafes.

Real Madrid do të jetë pa Eden Hazard në derbin lokal kundër Getafes që luhet ditën e enjte me fillim nga ora 22:00.

Zinedine Zidane ka publikuar listën me lojtarët e ftuar për këtë ndeshje, dhe emri i Eden Hazard nuk figuron në të.

Duket se belgu është lënë në pushim, kur dihet se ka vuajtur shumë nga lëndimet në pjesën e parë të sezonit.

“Ai është shumë i mirë dhe kundërshtarët e dinë atë”, u përgjigj Zidane kur u pyet për numrin e faullave të shkaktuara kundër Hazard.

“Ne duhet të jemi të qetë me Edenin. Ai ka qenë jashtë fushave për një kohë të gjatë dhe duhet shkuar lehtë me të”.

“Ai do të jetë mirë brenda pak kohe”.

Komento:

	Komenti