Barcelona vendosi rekord të ri në fazën defanzive.

Barcelona mund të ketë pasur vështirësi në Evropë, por në La Liga ka qenë pothuajse patëmetë në mbrojtje.

Blaugranët kanë pësuar vetëm 7 gola gjatë gjithë sezonit në Spanjë, me tre prej tyre në një ndeshje kundër Real Madridit. Marc-Andre ter Stegen ka qenë jetik në sigurimin e atyre portave të paprekura, me Jules Kounde, Andreas Christensen dhe Ronald Araujo që formuan një partneritet të fortë në prapavijë më vonë në kampionat.

Kundër Cadizit, Barcelona pati fat, ndërsa Villarreali u goditi shtyllën dy herë. Megjithatë, ata ia dolën të mbanin 17 herë portën e paprekur nga 22 ndeshje në ligë. Është hera e parë që ndonjë skuadër e arrin këtë numër, duke thyer rekordin e Deportivo La Corunas në sezonin 1993-94 prej 16 sosh në atë kohë, me Arsenio Iglesias në portë, raporton AS.

Ter Stegen pa dyshim do të kërkojë të thyejë rekordin e përgjithshëm të golave të pësuar gjatë një sezoni të ligës, i cili është 18, i vendosur nga Depor dhe Atletico Madrid në 2015/16.

Ata janë dukur shumë më pak solidë në futbollin evropian këtë sezon, duke pësuar mesatarisht dy gola në lojë. Kjo do të vihet sërish në vëmendje të enjten në Old Trafford, teksa do të përballen me Manchester United.

Sado që ky mund të jetë problem, nëse i drejton ata drejt titullit të La Ligës në fund të fundit, atëherë do të konsiderohet si një sezon i suksesshëm për Blaugranët.

Komento:

	Komenti