Numër rekord të infektuarish me COVID-19 në Zvicër.

Në Zvicër janë konfirmuar tre raste të variantit Omicron, ndërkohë që vazhdon rritja e numrit të infeksioneve.

Gjatë 24 orëve të fundit vendi ka regjistruar 10 466 raste të reja me koronavirus, sipas shifrave të publikuara nga Zyra Federale e Shëndetit Publik (FOPH).

Shifra mund të jetë më e larta ditore që nga shpërthimi i pandemisë.

”Shifra të ngjashme ishin shpallur edhe gjatë valës së dytë, në vjeshtë 2020, por metodat kanë ndryshuar”, shpjegon agjencia e lajmeve Keystone-Ats.

Përveç kësaj, tre raste janë konfirmuar në konfederatë me variantin Omicron, i klasifikuar si shqetësues nga Organizata Botërore e Shëndetësisë, i pari në kantonin e Bazelit, i dyti në Bazel-Landshaft dhe i treti në Gjenevë.

Komento:

	Komenti