Deputeti i Lëvizjes Vetëvendosje, Rexhep Selimi, ka thënë se mbi një trup të shtrirë e të përkulur, sikur ai i Hashim Thaçit, kalon shumëçka.

Deputeti nga radhët e Lëvizjes Vetëvendosje, Rexhep Selimi ka reaguar lidhur me fjalimin e Presidentit Thaçi për kufijtë në Samitin e Diasporës, ku tha se “unë nuk lejoj pa kaluar mbi trupin tim, të ndryshohet kufiri i Kosovës”.

Përmes një postimi në Facebook, Selimi ka ka thënë se kufijtë janë ende në rrezik, “sepse mbi një trup të shtrirë e të përkulur, sikur ai i Thaçit, kalon shumëçka.”

“Siç duket Thaçi e paska pasur fjalën se “pa kaluar mbi trupin e tij të gjallë nuk ndryshohen kufijtë e Kosovës”. Po del se kufijtë prapë qenkan në rrezik, sepse mbi një trup të shtrirë e të përkulur, sikur ai i Thacit, kalon shumëçka”, ka shkruar Selimi.

Ky është postimi i plotë i tij:

Në Samitin e Diasporës që u mbajt dje në Tiranë, ‘presidenti i Kosovës’ deklaroi: “se unë nuk lejoj pa kaluar mbi trupin tim, të ndryshohet kufiri i Kosovës”.

Pra, ai citoi një thënie popullore por me një ndryshim të vockël…

Thënia së cilës iu referua pjesërisht Thaçi thotë: “pa kaluar mbi trupin tim të vdekur…”

Siç duket Thaçi e paska pasur fjalën se “pa kaluar mbi trupin e tij të gjallë nuk ndryshohen kufijtë e Kosovës”. Po del se kufijtë prapë qenkan në rrezik, sepse mbi një trup të shtrirë e të përkulur, sikur ai i Thacit, kalon shumëçka..

Komento:

	Komenti