Rexhepaj u gjend pa shenja jete në parkun e qytetit të Pejës, policia jep detaje – Ora Info Ballina | ORAinfo.com - Nuk ndalet
Lajmet e fundit
0 °C

Rexhepaj u gjend pa shenja jete në parkun e qytetit të Pejës, policia jep detaje

17:21 | 26 Maj 2019

Është gjetur i vdekur sot Rrustë Rexhepaj në Pejë.

Policia e Kosovës për rajonin e Pejës kanë dhënë detaje shtesë lidhur me gjetjen e Rrustë Rexhepaj-t , i cili u raportua i zhdukur më datën 21 të këtij muaji.

Rrustë Rexhepaj është gjetur në afërsi të parkut të qytetit në Pejë, ku ekipi mjekësor ka konstatuar se është pa shenja jete, raporton Indeksonline.

Tutje është theksuar se me urdhër të prokurorit trupi i viktimës dërgohet në institutin e mjekësisë ligjore në Prishtinë.

Njoftimi i plotë:

Më datë 21.05.2019, në Stacionin Policor Pejë është raportuar rasti person i zhdukur, bëhet fjalë për personin Rrustë (Halil) Rexhepaj i lindur me 08.12.1972 ne fsh.Raushiq- Pejë, me banim ne rruga ‘Mbretëresha Teutë’ Pejë.

Sot me datë 26.05.2019 rreth orës 11:25, pas një pune intensive operativo –hetimore dhe një bashkëpunimi shembullorë me qytetarë, Policia e Kosovës, Drejtoria Rajonale e Policisë në Pejë, ka arritur që ta gjejë viktimën ne afërsi të parkut të qytetit në Pejë.

Fillimisht është bërë sigurimi i vendit të ngjarjes, në vendngjarje kanë dalë njësitet relevante të Policisë së Kosovës, Prokurori i shtetit dhe ekipi mjekësor i cili ka konstatuar se viktima është pa shenja jete.

Me urdhër të prokurorit të shtetit trupi i viktimës dërgohet në institutin e mjekësisë ligjore në Prishtinë për obduksion.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!