Sipas raportimeve të “Corriere dello Sport”, Roma është gati të rivalizojë Juventusin për të nënshkruar me mbrojtësin e Bournemouthit, Marcos Senesi, si agjent i lirë në qershor.

Mbrojtësi i Bournemouthit, Senesi, ka tërhequr interes nga klubet e Serie A, Juventus dhe Roma.

“Gazzetta dello Sport” raportoi të premten se “Bianconerët” ishin gati t’i ofronin qendërmbrojtësit argjentinas një kontratë mbi 4 milionë euro për sezon, por sipas “Corriere dello Sport”, edhe Roma po e ndjek nga afër 27-vjeçarin.

Gazeta e Romës konfirmon se Senesi nuk do të zgjasë kontratën me Bournemouth, duke e lënë klubin anglez pa të në fund të sezonit.

Më herët, Barcelona dhe Napoli ishin përmendur si interesa për qendërmbrojtësin argjentinas, por sipas “Corriere dello Sport”, tani Roma dhe Juventus janë kandidatët kryesorë për të siguruar nënshkrimin e tij.

Juventusi është gjithashtu i interesuar për mbrojtësin e Romës, Zeki Celik, i cili ka kërkuar 4 milionë euro për sezon për të zgjatur kontratën e tij që skadon në kryeqytet.

Juventusi dhe Roma do të takohen javën e ardhshme në “Stadio Olimpico” në një ndeshje vendimtare për vendin në Ligën e Kampionëve.

Komento:

	Komenti