Rrahim Hashimi, i akuzuar për fajde, mashtrim dhe detyrim është shfaqur i afërt me politikanët në Kosovë. Ai u prangos dy ditë më parë bashkë me Ismet Osmanin i njohur si “Curri”, dhe tre të dyshuarit e tjerë Adil Thaçi, Mentor Maqani dhe Ilir Bojku, por u lirua më pas për shkak të vjetërsisë së veprës penale.
Selim Pacolli i AKR-së, vëllai i njërit prej shqiptarëve më të pasur në botë, Behgjet Pacollit, i cili është krahu i djathtë i Shpend Ahmetit si zëvendës i tij, është në lidhje biznesore me Rrahim Hashimin.
Selim Pacolli është një sipërmarrës i dalluar në Kosovë, veprimtaria e të cilit shtrihet edhe në nivel ndërkombëtarë. Sipas të dhënave të Agjencisë së Regjistrimit të Bizneseve të Kosovës –ARBK, Pacolli është aksionar në biznes me bashkëshorten e Rrahimit, Lirie Hashimi shkruan lajmi.
Fillimisht, kompaninë “Ilyrian Power”, e cila merret me derivate të naftës, Pacolli e kishte hapur me Rrahim Hashimin dhe vetëm ata të dy ishin hisedar, por më pas Hashimi e kishte autorizuar gruan si aksionare tek ky biznes.
Bashkimi i disa biznesmenëve kishte bërë që të formonin një kompani të fuqishme me aktivitete të ndryshme të quajtur “City –Group”, e që zyra ishte hapur në Hotelin Grand. Në këtë biznes, Selim Pacolli ka qenë ortak bashkë me pesë person tjerë, drejtor i të cilës ka qenë Rrahim Hashimi. Por, aktualisht si aksionar i vetëm shihet që është veç Rrahim Hashimi.
Sipas ARBK-së, nënkryetari i OVLT të UÇK, Nasim Haradinaj, i cili është edhe drejtor në komunën e Deçanit nga radhët e AAK-së, shihet që është në lidhje banesore me Rrahim Hashimin. Biznesi i cili nuk dihet nëse vepron akoma, është hapur në vitin 2009 dhe po sipas faqes se ARBK-së është akoma aktiv. Biznesi i cili për aktivitet kryesore ka aktivitete e këshillimit biznesore quhet “West Investigation &Advisory” LLC.
Megjithëkëtë, Haradinaj në deklarimin e pasurisë që e ka publikuar në Agjencinë Kundër Korrupsionit nuk ka deklaruar se ka aksione në ndonjë kompani.
Rrahim Hashimi ishte njeri nga të prangosurit për fajde, mashtrim dhe detyrim, dhe me vendimin e Gjykatës u lirua të martën.
Arsyeja e lirimit të tij është vjetërsimi i veprës penale e cila pretendohet se është kryer në vitin 2012.
Rrahim Hashimi u prangos bashkë me Ismet Osmanin, i njohur si “Curri”, dhe tre të dyshuarit e tjerë Adil Thaqi, Mentor Maqani dhe Ilir Bojku.
Hashimi dyshohet se gjatë vitit 2012 bashkë me Ekrem Likën nëpërmjet Sami Nikës i kishin dhënë Faton Dalladakut fajde në vlerë prej 350 mijë euro me kamatë prej 7% në muaj.
Sipas Prokurorisë, shuma të cilën Dalladaku detyrohej të paguante në emër të fajdesë ishte rreth 25 mijë euro në muaj.
Hashimi është ish-i akuzuari për rastin e “Sekserëve”, bashkë me Emin Beqirin, ish-shefi i Drejtorisë së Krimeve Ekonomike. Ditë më parë, ai i ashpër ishte parë të jetë me deputeten e PDK-së, Flora Brovina, për shkak të një fotografie të publikuar nga kjo e fundit, e që më vonë u kuptua të jetë e manipuluar. Madje Hashimi, përmes llogarisë së tij në Facebook, për këtë rast kishte bërë edhe disa paralajmërime për kryeprokurorin e shtetit Aleksandër Lumezin.
2 °C
