Rrahja mes tifovëze në Gjermani, Vuçiq e konfirmon se ishte djai i tij: U sulmuan nga shqiptarët, ishin tifozë të Schalkes

20:02 | 24 Qershor 2024
rrahja-mes-tifoveze-ne-gjermani,-vuciq-e-konfirmon-se-ishte-djai-i-tij:-u-sulmuan-nga-shqiptaret,-ishin-tifoze-te-schalkes

Presidenti i Serbisë, Aleksandër Vuçiq, në një adresim për media të hënën ka folur edhe për incidentin e para një jave afër Gelsenkirchen, ku u zhvillua ndeshja mes Serbisë dhe Anglisë.

“Unë e dua djalin tim, ai nuk e turpëroi babanë e tij”, tha fillimisht Vuçiq.

Edhe pse për incidentin pati versione të ndryshme, herë u tha se ndodhi mes serbëve dhe anglezëve e herë mes shqiptarëve dhe serbe, Vuçiq akuzon shqiptarët.

“Kanë qenë kryesisht shqiptarë, tifozë të Schalkes, i kanë sulmuar me karrige. Ishte interesante qasja policisë gjermane që kërkoi arrestimin e tifozëve serbë. Nuk e di se çfarë duhet të bëjë dikush kur e sulmojnë me karrige dhe shishe”, tha ai.

“Ata u ulën të qetë dhe po hanin. Ishte e vetmja kafene me flamur serb dhe kjo i shqetësonte. Unë e dua djalin tim. Ai nuk e turpëroi babanë e tij në asgjë”, ka pretenduar Vuçiq.

Ndryshe, mediat në rajon dhe Evropë sot shkruajnë se djali i presidentit Danilo Vuçiq i shoqëruar nga “Cobra” ka qenë i pranishëm në përleshjen e djeshme mes tifozëve të Serbisë dhe Anglisë. Rrjetet sociale janë vërshuar edhe me video të sherrit, ku dyshohet se Danilon e pengojnë të përfshihet në konflikt nga disa persona, të cilët supozohet se janë pjesëtarë të njësisë elitare “Cobra”.

Ditën e djeshme, në një vend afër Gelsenkirchen, ku u zhvillua ndeshja mes Serbisë dhe Anglisë, mes tifozëve të dy kombëtareve pak para fillimit të lojës ka shpërthyer një sherr.

Një sherr ka shpërthyer në një restorant, i cili është shembur tërësisht për shkak të konfliktit mes fansave. Fluturonin karrige, shishe, filxhanë, tavëll… dhe policia gjermane reagoi shpejt dhe parandaloi konfliktin e mëtejshëm.

Bilanci i sherrit është disa tifozë të plagosur dhe të ndaluar nga të dyja palët.

Mirëpo, ajo që tërhoqi vëmendjen e madhe të publikut vendas dhe evropian janë videot që dyshohet se tregojnë djalin e Aleksandër Vuçiqit, Danilo Vuçiqin, i cili ka dashur të ndërhyjë në konflikt, por është penguar nga persona të panjohur, të cilët janë. në rrjetet sociale, por edhe për disa media rajonale dhe europiane, ai shprehet se janë anëtarë të “Cobra” që kanë për detyrë sigurimin e djalit të presidentit.

Në këtë video shihet një i ri me bluzë të zezë dhe pantallona të shkurtra duke vrapuar për t’iu bashkuar konfliktit, por disa meshkuj nuk e lejojnë dhe e ndalojnë fizikisht.

Në rrjetin social X janë shfaqur edhe fotografi të cilat dyshohet se janë realizuar në vendin e ngjarjes, ku në njërën prej tyre shihet realisht një më i ri, i cili të paktën duket si Danilo Vuçiq.

Lajmin se Danilo Vuçiq me gjasë ka qenë i pranishëm në vendin e ngjarjes e kanë raportuar disa media kroate, por edhe suedeze “Aftonbladet”, e cila në shkrimin me titull “Djali i presidentit bie në sy në kaos” i referohet edhe pamjeve nga rrjetet sociale që dyshohet se shfaq Danilo Vuçiq.

Askush nga kabineti i Presidentit të Serbisë apo ndonjë zyrtar publik deri më tani nuk ka folur për këtë incident e as nuk ka mohuar atë që po shkruhet në media dhe në rrjetet sociale.

Danasi serb pyeti këshilltaren për marrëdhënie me publikun e Presidentit të Serbisë, Suzana Vasiljeviq, nëse Danilo Vuçiq ishte vërtet në videot e përmendura dhe nëse ai shkoi në Gelsenkirchen për Kampionatin Evropian të Futbollit, por deri në publikimin e këtij shkrimi nuk ka marr përgjigje.

Kujtojmë se në Botërorin e Rusisë në vitin 2018, Danilo Vuçiq u fotografua në tribuna me Aleksandar Vidojeviqin, i njohur si Aca Roshavi dhe Boris Karapandzhiq, të cilët ishin të lidhur me klanin Belivuk, të cilët janë dënuar disa herë për krime të rënda.

Komento: