Ish-operatori tha se gjithë ngjarjen e filmoi nga një kafene .

Fatmir Çepani njihet si operatori i vetëm që ka regjistruar rrëzimin e bustit të Enver Hoxhës, përmbysja e të cilit solli edhe përmbysjen e sistemit komunist.

I ftuar në emisionin ‘Kjo Javë” me Nisida Tufën, Çepani rrëfeu detaje nga 20 shkurti i 1991.

Ish-operatori i RTSH-së tha se ajo ditë për të ishte si gjithë të tjerat, një ditë ku i ishte ngarkuar detyra të ndiqte aktivitetin e Komunitetit Mysliman.

Çepani, u shpreh se pavarësisht thashethemeve që qarkullonin nuk e mendonte se atë ditë do të ndodhte rrëzimi i bustit të diktaktorit famëkeq, Enver Hoxha.

Ish-operatori tha se gjithë ngjarjen e filmoi nga një kafene ku gjendej i ulur prej orësh dhe nuk e kishte idenë që ishte i vetmi që zotëronte pamjen filmike.

“Aktiviteti u realizua mbas atij aktiviteti ishte edhe një ekspozitë pikture. Dhe siç bëhet ndarja e punës shkuam në Pallatin e Kulturës, aktiviteti ka qenë në 8 të mëngjesit në mos gabohem. Pjesë e aktivitetit ishte edhe Sali Berisha”, rrëfen ai.

“Berisha përshëndeti të pranishmit dhe tha duhet të largohem”

“Gjej momentin t’i falënderoj shumë për të gjithë kontributin e tyre pas mbarimit të aktivitetit ishte problemi që në komunikimin në të pashë një anomali. I thashë këtu do ndodhë diçka. Sa realizuam aktivitetin e Komunitetit Mysliman, gazetarja iku do çonte materialin për aktivitetin”.

“Nga ora 10 e mëngjesit deri nga ora 2 e drekës, unë kam qenë gjatë gjithë kohës në kafe, aty ishin shumë njerëz brenda besoj se nja 200 veta po ishin”.

“Në atë kohë kishte një pakicë njerëzit në shesh. Thashethemet qarkullonin dhe nuk është se ishte masivi i madh pas orës 10 erdhën nga Rruga e Trenit, nga të gjitha kryqëzimet filluan të vinin njerëzit në mënyrë të organizuar”.

Ai thotë se koha ishte e kufizuar dhe se ishin 11 grupe gjirimi.

“Me përjashtim të departamentit të informacionit që punonte me kapacitet të plotë, pjesa tjetër kishin marrë detyrat në aktivitete të ndryshme. Por, numri fizik sa qysh tek nuk e di. Realisht nuk e dija nëse kishte grupe të tjera në shesh”.

Komento:

	Komenti