Jose Antonio Reyes ka humbur jetën ditë më parë, si pasojë e një aksidenti të rëndë.

Shpejtësia e madhe ishte shkaktarja e këtij aksidenti të tmerrshëm. Ish-sulmuesi i Sevillas, Arsenalit, Real Madridit dhe Atletico Madrid u përplas me një shtyllë, para se të përfundojë në një kanal anash dhe rrugës, ku makina u shkatërrua nga flakët, pasi ishin duke ecur 220 km/h.

Për pasojë humbi jetën edhe nipi i tij, 23-vjeçar (Jonathan), ndërsa familjari tjetër Juan Manuel Calderon ishte në gjendje të rëndë – por fatmirësisht i ka shpëtuar plagëve të marra, përcjell lajmi.

Calderon ka rrëfyer nga spitali momentet para përplasjes së frikshme me bordurën anësore të rrugës.

“Nuk e di çfarë bëri Josè, nuk mbaj mend”, është shprehur Juan Manuel Calderon, sipas publikimit në El Mundo, gazeta që ka marrë në dorëzim dokumente të ndryshme nga policia.

Më pas kushëriri i Reyes zbulon një detaj drithërues: “Po fluturonim”, tha i mbijetuari, duke shpjeguar se në momentet para përplasjes finale makina u ngrit nga toka, shumë metra në ajër, ndoshta 30 metra.

Dy persona humbën jetën në vend, ndërsa Juan Manuel Calderon shpëtoi, ndonëse me fraktura të shumta dhe djegie në trup.

Komento:

	Komenti