Në Hagë sot do të nisin intervistat e para për ish-komandantët e UÇK-së.

Ish-Komandanti i Ushtrisë Çlirimtare të Kosovës për Zonën e Llapit, Rrustem Mustafa (Remi) do të intervistohet sot nga Prokurorët e Dhomave të Specializuara me lokacion në Hagë.

Remi u nis për në Holandë ditën e djeshme përderisa edhe deklaroi se në Hagë ai do të mbrohet pikërisht nga UÇK-ja.

Tutje ai deklaroi poashtu se ndjehet i pafajshëm dhe se po i përgjigjet ftesës së Gjykatës Speciale për pretendimet e bëra nga Dick Marty.

Përpos Remit gjatë ditës së djeshme për në Hagë u nis edhe ish-Komandanti tjetër i UÇK-së, Sami Lushtaku.

Lushtaku parashihet që të intervistohet dy ditë pas Remit, saktësisht me datën 16.

Disa ish pjesëtarë të Ushtrisë Çlirimtare të Kosovës, janë ftuar për të dëshmuar para Prokurorisë Speciale në Hagë, për krime lufte në Kosovë.

Hetimet do të përqendrohen në krimet e supozuara nga janari i vitit 1998 deri në dhjetor të vitit 2000.

Ligji për Gjykatën Speciale është miratuar në Kuvendin e Kosovës në vitin 2015.

Komento:

	Komenti