“Rusia duhet të bëjë një marrëveshje”, tha presidenti amerikan Donald Trump, ndërsa konfirmoi se zhvilloi një “takim shumë të mirë” me presidentin e Ukrainës Volodymyr Zelensky dhe se do të takohet sërish me të më vonë gjatë ditës.

Trump po fliste me gazetarët ndërsa ishte ulur pranë Emirit të Qatar.

Siç pritej, ai konfirmoi se kishte zhvilluar një takim “shumë të mirë” me Zelenskyn këtë mëngjes dhe se do të takohet përsëri me të më vonë gjatë ditës.

“Shikoni, Rusia duhet të bëjë një marrëveshje. Rusia ka humbur një numër të jashtëzakonshëm njerëzish dhe po ashtu edhe Ukraina. Muajin e kaluar, të dyja palët humbën 35,000 ushtarë së bashku; kjo ndodh çdo muaj. Mesatarisht humbasin rreth 25,000 njerëz, kryesisht ushtarë, njerëz të rinj dhe të mrekullueshëm. Është e çmendur ajo që po ndodh atje. Por ne patëm një takim dhe do të shohim… Unë fola me presidentin Vladimir Putin të dielën”.

Ai shtoi se ekziston “shumë armiqësi dhe mospëlqim mes dy liderëve” dhe se do të takohet përsëri me Zelenskyn më vonë gjatë ditës.