Karim Benzema është fituesi i fundit i Topit të Artë, pasi atë e rrëmbeu të hënë mbrëma në ceremoninë e zhvilluar në Paris.

Por, shumëkujt mund t’i shkojë në mendje se sa fiton ai që e merr në duar trofeun më të madh individual për një futbollistë.

Nuk duket se ka ndonjë çmim të lidhur drejtpërdrejt me Topin e Artë. Megjithatë, marrësit e tij priren të marrin çeqe bonus të rënë dakord si pjesë e kontratave të tyre me klubet dhe sponsorët.

Për shembull, gazeta spanjolle El Confidencial ka raportuar se Luka Modric i Real Madridit është paguar 800,000 euro nga sponsorët e atleteve Nike kur ai mori çmimin për meshkuj në vitin 2018.

Një vit më pas, revista gjermane Der Spiegel publikoi detaje të marrëveshjes së Cristiano Ronaldos me gjigantin amerikan të veshjeve sportive.

Sipas kontratës së zbuluar, kapiteni i Portugalisë, i cili është pesë herë fitues i Topit të Artë, kishte negociuar një bonus prej katër milionë euro.

Në vitin 2021, ndërkohë, u pretendua se Karim Benzema ka një klauzolë bonus në kontratën e tij me Real Madridin me vlerë dy milionë euro.

Dhe në qershor, stacioni radiofonik spanjoll Cadena SER zbuloi se bashkëlojtari i Benzemas, Vinicius Junior, do të ketë një pagesë prej një milion euro për Topin e Artë në marrëveshjen e tij të ardhshme në Madrid.

Komento:

	Komenti