SBASHK-u të vendosur në qëllimet e tyre – Ora Info Ballina | ORAinfo.com - Nuk ndalet

SBASHK-u të vendosur në qëllimet e tyre

17:47 | 28 Janar 2019

Kryetari i SBASHK-ut, Rrahman Jasharaj është takuar me grevistët nga komuna e Gjilanit, duket filluar me Shkollën Fillore të Mesme të Ulët “Ibrahim Uruqi” pastaj cerdhen “Ardhmëria 2” dhe në fund ka vizituar grevistët në shkollën “Selami Hallaqi” e Gjimnazin “Zenel Hajdini”.

Sipas një njoftimi, delegacioni i SBASHK-ut me grevistët bashkëbiseduan shtruar dhe shprehën brengosjen se edhe në ditën 11 të grevës, institucionet e Kosovës nuk po tregojnë gatishmëri për t’i plotësuar kërkesat e punëtorëve të arsimit – ishte kërkesë e të gjithë grevistëve që në asnjë formë mos të ndërpritet greva edhe nëse fillohet me veprime tjera sindikale, së paku pa i plotësuar kërkesat tashmë të njohura ose tërheqja e Ligjit.

“Vlen të theksohet se prezent ishte edhe kryetarja e prindërve e komunës së Gjilanit, e cila u shpreh në emër të prindërve që përkrahin kërkesat e mësimdhënësve, duke apeluar që institucionet të angazhohen në realizimin e tyre”, thuhet në njoftim, përcjell lajmi.net.

“Sipas informatave të marra nga Këshillat Grevistë Komunal, rezulton se i tërë sistemi arsimor nga çerdhet deri te universitetet ishin në grevë”, thuhet tutje në njoftim.

Po sipas njoftimit, Këshilli Qendror Grevist e as udhëheqësia e SBASHK-ut, edhe gjatë ditës së sotme nuk kanë pasur asnjë takim me asnjë institucion, e as udhëheqës të institucioneve në nivel lokal, e as në nivel qendror, transmeton lajmi.net.

“Edhe njëherë, ju bëjmë apel institucioneve qendrore, në veçanti ministrit Bytyqi, që të jep kontributin e tij në Qeverinë e Kosovës, për realizimin e kërkesave ose largimin e Ligjit të pagave, përndryshe grevës nuk i shihet fundi”, thuhet në njoftimin e SBASHK-ut.

Komento: