Presidenti i UEFA-s, Aleksander Ceferin, thotë se “së shpejti do të rikthehet futbolli i vjetër”

Por gjithashtu ai ka paralajmëruar se “nuk është sporti që do të vendosë, është politika”.

UEFA vazhdimisht ka përmendur dëshirën për të rinisur sezoni, por Holanda dhe Franca tashmë edhe zyrtarisht kanë mbyllur para kohe sezonin.

Ceferin është i bindur se futbolli do të ndryshojë ‘vetëm për një periudhë të shkurtër kohe’ kur të kthehet, por e pranon që vendimi përfundimtar nuk varet nga UEFA, por politika e çdo vendi.

“Njerëzimi do të mposhtë koronavirusin”, tha Ceferin.

“Ne e kemi parë se sa e ndjeshme është bota jonë përderisa një situatë e tillë ka arritur ta destabilizojë plotësisht atë”.

“Futbolli të jepe energji pozitive dh deri në kthimin e futbollit, njerëzit nuk do të kenë perceptimin se situata është normale, (ose po shkon drejt normalizimit)”.

“Futbolli do të ndryshojë, por vetëm për një periudhë të shkurtër kohore. Tashmë ajo i ka mbijetuar luftërave dhe epidemive”.

“Do të kemi përsëri futboll si dikur të mirë. Do të dëshironim të rikthehemi në fushë sa më shpejt të jetë e mundur, por mbi të gjitha kjo varet nga vendimet e autoriteteve shtetërore”.

“Me të gjitha kërkesat mjekësore të përmbushura dhe pas dyerve të mbyllura, ndeshjet mund të ktheheshin relativisht shpejt. Por nuk është sporti që do të vendosë, është politika”. /Gazeta Express/

Komento:

	Komenti