Deputeti nga radhët e LDK’së, Driton Selmanaj ka reaguar pasi Gjykata Kushtetuese konstatoi se Qeveria e Kosovës bëri shkelje kushtetuese me vendimin për orë policore,

Sipas tij, një qeveri që shkel Kushtetutën duhet të largohet sa më parë, madje edhe nga detyrat e kufizuara.

Përmes një postimi në llogarinë e tij në Facebook, Selmanaj ka thënë se edhe kryeministri Albin Kurti edhe Presidenti Hashim Thaçi duhet ta kenë të qartë që Kuvendi i Republikës së Kosovës është i vetmi institucion që mund të vendos për kufizimin e lirive dhe të drejtave themelore të njeriut.

“E konfirmon edhe Gjykata Kushtetuese: Qeveria Kurti ka cenuar Rendin Juridik dhe Kushtetues në Kosovë. Një qeveri që shkel Kushtetutën duhet të largohet sa më parë, madje edhe nga detyrat e kufizuara!”, ka shkruar Selmanaj.

Komento:

	Komenti