Selmanaj thotë se Qeveria e re duhet të bëjë reforma të thella – Ora Info Ballina | ORAinfo.com - Nuk ndalet
Lajmet e fundit
0 °C

Selmanaj thotë se Qeveria e re duhet të bëjë reforma të thella

23:59 | 22 Tetor 2019

Kosova është në pritje të krijimit të Qeverisë së Re.

Driton Selmanaj nga Lidhja Demokratike e Kosovës ka thënë se qeveria e re e Kosovës duhet të bëjë reforma të thella, jo veç ndërrim qeverie.

Duke folur për diskutimet mes VV-së e LDK-së për të formuar koalicionin qeverisës, Selmanaj ka thënë se për të bërë punë, qeverisë së ardhshme i mjafton të mos vjedhë.

“Duhet të ketë reforma të thella, jo veç ndërrim qeverie, por duhet të bëjmë reforma të tilla që kthejnë shpresën për të jetuar në Kosovë. Qeveria e ardhshme, edhe nëse s’bën punë fare, veç nëse s’vjedh do të bëjë punë shumë të mira për Kosovën. Ka për t’u parë. Në çdo sferë ku prek jeta e qytetarit ka nevojë për ndryshime”, ka thënë ai në KTV.

Ai ka thënë se edhe në takimin e së mërkurës, nesër, dy partitë nuk do të diskutojnë për ndarje dikasteresh, por do të vazhdojnë dialogun për çështjet programore. Për diskutimet ka thënë se janë në trend pozitiv, ndërsa ka shtuar se pas certifikimit të rezultateve pret që gjithçka të marrë hov tjetër.

Sipas Selmanajt, fitorja e VV-së si e para dhe LDK-së si e dyta “është fitore e madhe e Kosovës, pasi fitoi opozita e deridjeshme”. Ai ka thënë se është mirë që morën fund “partitë që për shumë vjet degraduan sistemin në Kosovë e abuzuan me paranë publike”.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!