Kosova do të jetë pjesë e agjendës së Asamblesë Parlamentare të NATO-s në sesionin pranveror të kësaj organizate, i cili do të mbahet në fund të kësaj jave.

Punimet e Asamblesë Parlamentare të NATO-s do të fillojnë më 25 maj në Sofje të Bullgarisë, ku do të diskutohet kërkesa e Kuvendit të Kosovës për të përshpejtuar procesin e avancimit të statusit të saj në anëtar të asocuar.

Si zakonisht, Serbia është shprehur kundër duke dërguar një notë ankese për përfshirjen e Kosovës në këtë agjendë.

Kryeministrja e Serbisë e ka dërguar një letër propagandistike, duke thënë se janë të shqetësuar se Kosova do jetë pjesë e agjendes së NATO-së.

Sipas saj kjo do shkaktonte komplikime politike e të sigurisë në rajon.

“Republika e Serbisë shpreh kundërshtimin e saj të fortë ndaj mundësisë që të ashtuquajturit “Kuvendi i Kosovës” t’i jepet statusi i një anëtari të asociuar, ndërsa ne përgjithësisht mirëpresim përpjekjet e Asamblesë Parlamentare të NATO-s për të përmirësuar dialogun, për të forcuar partneritetet dhe për të rritur numrin e partnerët me të cilët bashkëpunon. Megjithatë, dëshiroj të kujtoj se kjo është një çështje veçanërisht delikate që kërkon një shqyrtim shumë të kujdesshëm, duke pasur parasysh pasojat e mundshme negative politike dhe të sigurisë më gjerësisht”, thuhet në letër.

Në letrën e dërguar e cila është mbushur me propagandë dhe të pavërteta, presidentja serbe ankohet se serbët në Kosovë po diskriminohen.

Po ashtu ajo përmend edhe aksionin legal të Policisë së Kosovës në veri ku u mbyllën disa degë ilegale të Bankës së Kursimeve Postare, e cila kontrollohej nga Serbia.

“Në mjedisin e karakterizuar nga dhuna e përhapur dhe diskriminimi sistematik, sistematik dhe i vazhdueshëm i praktikuar i hapur kundër serbëve në Kosovë dhe Metohi, Institucionet e Përkohshme të Vetëqeverisjes në Prishtinë kanë anuluar në mënyrë efektive të gjitha parimet e sundimit të ligjit, demokracisë dhe respektit të njeriut. të drejtat të cilat përbëjnë themelet e çdo shoqërie moderne demokratike. Aktet konkrete të dhunës fizike dhe institucionale të kryera nga Prishtina ndaj serbëve, të cilat padyshim demonstrojnë mospërfillje të parimeve themelore të shtetit të së drejtës. demokracia dhe të drejtat e njeriut, janë shfaqur edhe një herë qartë përmes bastisjeve të kryera nga e ashtuquajtura “Policia e Kosovës” ndaj degëve të Bankës së Kursimeve Postare më 20 maj 2024. Ky nuk është vetëm një shembull flagrant i lëvizjeve përshkallëzuese, që kemi Fatkeqësisht, janë mësuar çdo ditë, por më tepër sulm ndaj vetë dialogut, duke pasur parasysh se çështja e heqjes së monedhës së dinarit serb dhe adresimi i fatit të Bankës së Kursimeve Postare janë bërë pjesë integrale e dialogut Beogradit-Prishtinë”, thuhet në letër.

Teksti propagandistik vazhdon duke theksuar kinse në Kosovë ka sulme me motive etnike të serbëve nga autoritetet e Kosovës.

“Më lejoni të theksoj se mosndëshkimi për sulmet masive me motive etnike ndaj serbëve dhe popullatës joshqiptare, Kishës Ortodokse Serbe dhe pronës së tyre është bërë e zakonshme dhe mënyrë e dhënë e jetesës në territorin e Kosovës dhe Metohisë. Veçanërisht i turpshëm është vendimi i Prishtinës për të ndaluar hyrjen e Patriarkut Serb Porfirije dhe shtatë peshkopëve në territorin e Kosovës dhe Metohisë për të marrë pjesë në mbledhjen e Kuvendit të Shenjtë të Ipeshkvijve të Kishës Ortodokse Serbe në Patriarkanën e Pejës. Kushtetuta e Republikës së Serbisë i garanton çdo individi lirinë e mendimit, ndërgjegjes dhe fesë, ndërsa nxitja e intolerancës fetare, kombëtare apo racore është rreptësisht e ndaluar dhe e dënueshme, gjë që i bën këto veprime të Institucioneve të Përkohshme të Vetëqeverisjes absolutisht të papranueshme”, thuhet në letër.

Afro 400 deputetë nga 32 vende anëtare të NATO-s dhe 25 vende partnere dhe organizata parlamentare do të marrin pjesë në sesionin pranveror të Asamblesë Parlamentare të NATO-s, nga 24 deri më 27 maj në Sofje.

Forumi do të organizohet nga Kuvendi Kombëtar i Republikës së Bullgarisë.

Komento:

	Komenti