Serbia në panik nga formimi i Ushtrisë së Kosovës – Ora Info Ballina | ORAinfo.com - Nuk ndalet

Serbia në panik nga formimi i Ushtrisë së Kosovës

11:55 | 09 Dhjetor 2018

Serbia vazhdon të ‘vajtoj’ formimin e Ushtrisë së Kosovës.

Zyrtarët serb po lobojnë që eventualisht të parandalojnë formimin e ushtrisë.

Drejtori i Zyrës për Kosovën në Qeverinë e Serbisë Marko Gjuriq tha se vendimet e arsyeshme do të ishin që Prishtina menjëherë ta heq taksën, siç thotë ai, të paligjshme dhe anti-civilizuese për mallrat nga Serbia dhe se formimi i paralajmëruar i ushtrisë së Kosovës është një rrezik për të gjithë rajonin.
Ai i tha të përditshmes “Politika” të dielën se përmes destabilizimit nuk do të përfitojnë as serbët as shqiptarët .

“Ne jemi dëshmitarë të thirrjeve të përditshme publike nga kryeqytetet me me ndikim në botë për ta tërhequr tarifën, mirëpo fakti që Prishtina ende nuk e ka bërë këtë, ngjall dyshimin se ata, nën këtë shtresë të bindjeve publike, në të vërtetë kanë mbështetjen sekrete të sponsorëve të tyre”, tha Gjuriq, shkruan Dannas, përcjell lajmi net.

Gjuriq tha se formimi i ushtrisë së Kosovës është i paligjshëm, në kundërshtim me marrëveshjen e Kumanovës dhe Rezolutën 1244, e cila i dha fund luftës në Kosovë, por edhe në kundërshtim me kushtetutën që vetë Prishtina solli.

“KFOR, në të vërtetë, nëse i përmbahemi të drejtës ndërkombëtare, duhet të çarmatosim çdo shqiptar në Kosovë dhe të mos ndihmojmë në këtë proces”, tha Gjuriq.

I pyetur nëse Beoradi do të reagonte nëse Prishtina dërgon trupa në veri, Gjuriq tha se Presidenti serb Aleksandër Vuçiq e bëri të qartë se Serbia nuk do të lejojë askënd të bëjë “Stuhitë” të reja dhe kjo duhet të jetë mjaft e kuptueshme për të gjithë.

“Ne nuk duam një konflikt me askënd, sidomos jo me NATO dhe Shtetet e Bashkuara, por serbët kurrë nuk kanë pritur në gjunjët e tyre për t’i shfarosur”, tha Gjuriq.

Komento: