A do ta godasë tornado Serbinë?

Meteorologu i Institutit serb të Hidrometeorologjisë, Nedeljko Todoroviq nuk e ka përjashtuar mundësinë që një tornado ta godasë Serbinë, duke shtuar se kjo është vështirë të parashikohet, shkruan B92, transmeton Gazeta Express.

Ai shpjegon se shiu, breshri dhe bubullimat janë dukuri normale gjatë verës, sepse ato janë pasojë e të ashtuquajturit “fronti i ftohtë”.

“Kur ajri i ftohtë ndeshet me një ambient të ngrohtë, atëherë ekzistojnë proceset më të mëdha dhe më të trazuara në atmosferë. Nëse është Republika Çeke, Skandinavia, Rusia, Greqia apo Serbia – nuk ka rëndësi , shpjegon Todoroviq.

“Ajri i ftohtë aktualisht është në zonën e Alpeve dhe Evropës Qendrore dhe kjo është arsyeja pse kishte re më të ashpra. Dje kishim një tregues që paqëndrueshmëria po rritet, e cila do të jetë më e theksuar sot sesa dje. Ftohti arrin me ajrin e mbrëmjes në vendin tonë”, shtoi ai.

A do të thotë kjo se tornado do të godasë edhe Serbinë? “Është e pamundur të parashikohet”, thotë meteorologu Todoroviq.

“Është një ngjarje ekstreme dhe parashikimi i një ngjarjeje të tillë është pothuajse i pamundur. Varet nga lloji. Ashtu si kur kishte përmbytje në vitin 2014, mund të parashikohet. Instituti njoftoi pesë ose gjashtë ditë më parë se do të ketë përmbytje. E gjithë kjo monitorohet, radari dhe sateliti, por nuk dihet nëse mund ta arrijë atë vlerë ekstreme dhe të kthehet në një tornado”, tha Todoroviq.

Komento:

	Komenti