Komentatori politik Mentor Shala ka vlerësuar se nuk priten telashe në seancën konstituive të Kuvendit të Kosovës që pritet të mbahet nesër.

Duke folur në emisionin Adresa, Shala tha se pritshmëritë e tij bazohen në deklaratat e bëra gjatë ditës së sotme nga zyrtarë të Lëvizjes Vetëvendosje.

“Sipas asaj që e dëgjuam gjatë ditës së sotme edhe nga zyrtarët e VV-së, mendoj se nesër nuk do të ketë telashe për konstituimin e Kuvendit. Kuvendi pritet të konstituohet, ndërsa për Qeverinë nuk e di saktë procedurën dhe sa kohë duhet të kalojë”, deklaroi Shala.