Kandidati për deputet i PDK-së, Ferat Shala ka bërë të ditur se sot takoi Nefise Janovën, grua që sipas tii e kaloi jetën në punë intelektuale dhe veprimtare politike.

Shala që Janovën tha se e kishte edhe mësimdhënëse të shkollës së mesme shtoi se gratë sikur ajo e kanë mbrojtur dritën e flakadanit të lirisë.

Postimi i plotë:

Nefise Janova – një jetë e tërë dinjitet, punë intelektuale dhe veprimtari politike në shërbim të shkollës politike të ilegalitetit të thellë politik. Një jetë e tërë si e ndjekur dhe e persekutuar, por gjithmonë fitimtare. Si dikur, ashtu edhe sot.

Ajo është profesoresha ime nga shkolla e mesme. Kënaqësi dhe nder të dëgjoj ligjërimet e saj për të kaluarën dhe besimin e saj për të ardhmen.

Gratë si profesoresha Nefise e kanë mbrojtur flakën e kandilit të lirisë të mos shuhet as përballë furtunave të kohëve më të errëta. Bënë dritë në errësirë dhe na e ndriçuan rrugën nga e ardhmja, nga liria. Edhe në liri, ato na e ndriçojnë rrugën nga e ardhmja, nga zhvillimi.